Friday, July 31, 2020
Wednesday, July 8, 2020
Bangalore Trip
సుమారు పది సంవత్సరాల క్రితం బెంగళూరు ట్రిప్ వెళ్లాం.
బెంగళూరు, మైసూరు, శ్రావణ బెళగోళా, బేలూరు, హలీబీడు...
ఈ ప్రాంతాలు చూడాలనుకున్నాం.
మా అబ్బాయి, నేను, మా వారు ముగ్గురం కలిసి హైదరాబాద్ నుంచి బెంగళూరు వరకు రైలు ప్రయాణం చేశాం.
అక్కడ మిగతా ప్రదేశాలు చూడటానికి ఒక కారు మాట్లాడుకున్నాం. సరిగ్గా వానలు మొదలయ్యాయి.
మా అదృష్టం ఏమో కానీ, ప్రదేశాలన్నీ చూస్తున్నంతసేపు వరుణ దేవుడు మా మీద కరుణా కటాక్ష జల్లులు కురిపించాడు. కారులో అడుగు పెట్టగానే వర్షించాడు.
ఎలాగైతేనేం ప్రయాణం మాత్రం చాలా ఆహ్లాదంగా, ఆనందంగా జరిగింది.
బెంగళూరు లోని బృందావన్ గార్డెన్ కూడా చూశాం.
మా అదృష్టం కొద్దీ మంచి కారు డ్రైవరు దొరికాడు.
అక్కడే ఉన్న మా బాల్య మిత్రురాలి ఇంటికి, మా మేనమామ ఇంటికి కూడా వెళ్లాం.
అప్పుడప్పుడు ఇటువంటి ప్రయాణాలు చేస్తుండాలి అనిపించింది.
ఇప్పుడు ఎక్కడకూ వెళ్లే పరిస్థితి లేదు.
అందుకే ఒకసారి పాత జ్ఞాపకాలనైనా నెమరేసుకుందామనిపించింది.
మనుషులు దగ్గరవ్వటానికి ఇటువంటి ప్రయాణాలు చాలా అవసరమనిపించింది.
శ్రావణ బెళగోళా పైకి ఎక్కేటప్పుడు బాగానే ఎక్కేశాను.
కాని కిందకు దిగేటప్పుడు కళ్లు తిరిగాయి.
అందుకే ముందర మా శ్రీవారిని నడవమని, వెనకాలే నేను తన భుజం మీద చేయి వేసుకుని దిగాను. ఆ మాత్రం భరోసా ఇచ్చే మన మనిషి ఉంటే ఆ హాయి వేరు. ఆ భరోసా వేరు. ఆ తృప్తి వేరు.
ఇన్ని సంవత్సరాల తరవాత ఆ ఫొటోలు చూస్తుంటే...
భగవంతుడు ఒకరికి ఒకరు తోడునీడగా ఉండటానికే వివాహ వ్యవస్థ ఏర్పాటుచేశాడనిపించింది.
నాన్నగారు (ఉషశ్రీగారు_ తన పెళ్లాడే బొమ్మా! పుస్తకంలో
జీవితంలో సాహచర్యం కోసం పెళ్లి అని రాశారు.
అది నిజమని అనుభవంలోనే అర్థం అయ్యింది.
ఈ రోజు ఈ ఫొటోలు చూడగానే ఇది రాయాలనిపించింది.
ఇది మొత్తం నా సొంత అభిప్రాయం మాత్రమే.
బెంగళూరు, మైసూరు, శ్రావణ బెళగోళా, బేలూరు, హలీబీడు...
ఈ ప్రాంతాలు చూడాలనుకున్నాం.
మా అబ్బాయి, నేను, మా వారు ముగ్గురం కలిసి హైదరాబాద్ నుంచి బెంగళూరు వరకు రైలు ప్రయాణం చేశాం.
అక్కడ మిగతా ప్రదేశాలు చూడటానికి ఒక కారు మాట్లాడుకున్నాం. సరిగ్గా వానలు మొదలయ్యాయి.
మా అదృష్టం ఏమో కానీ, ప్రదేశాలన్నీ చూస్తున్నంతసేపు వరుణ దేవుడు మా మీద కరుణా కటాక్ష జల్లులు కురిపించాడు. కారులో అడుగు పెట్టగానే వర్షించాడు.
ఎలాగైతేనేం ప్రయాణం మాత్రం చాలా ఆహ్లాదంగా, ఆనందంగా జరిగింది.
బెంగళూరు లోని బృందావన్ గార్డెన్ కూడా చూశాం.
మా అదృష్టం కొద్దీ మంచి కారు డ్రైవరు దొరికాడు.
అక్కడే ఉన్న మా బాల్య మిత్రురాలి ఇంటికి, మా మేనమామ ఇంటికి కూడా వెళ్లాం.
అప్పుడప్పుడు ఇటువంటి ప్రయాణాలు చేస్తుండాలి అనిపించింది.
ఇప్పుడు ఎక్కడకూ వెళ్లే పరిస్థితి లేదు.
అందుకే ఒకసారి పాత జ్ఞాపకాలనైనా నెమరేసుకుందామనిపించింది.
మనుషులు దగ్గరవ్వటానికి ఇటువంటి ప్రయాణాలు చాలా అవసరమనిపించింది.
శ్రావణ బెళగోళా పైకి ఎక్కేటప్పుడు బాగానే ఎక్కేశాను.
కాని కిందకు దిగేటప్పుడు కళ్లు తిరిగాయి.
అందుకే ముందర మా శ్రీవారిని నడవమని, వెనకాలే నేను తన భుజం మీద చేయి వేసుకుని దిగాను. ఆ మాత్రం భరోసా ఇచ్చే మన మనిషి ఉంటే ఆ హాయి వేరు. ఆ భరోసా వేరు. ఆ తృప్తి వేరు.
ఇన్ని సంవత్సరాల తరవాత ఆ ఫొటోలు చూస్తుంటే...
భగవంతుడు ఒకరికి ఒకరు తోడునీడగా ఉండటానికే వివాహ వ్యవస్థ ఏర్పాటుచేశాడనిపించింది.
నాన్నగారు (ఉషశ్రీగారు_ తన పెళ్లాడే బొమ్మా! పుస్తకంలో
జీవితంలో సాహచర్యం కోసం పెళ్లి అని రాశారు.
అది నిజమని అనుభవంలోనే అర్థం అయ్యింది.
ఈ రోజు ఈ ఫొటోలు చూడగానే ఇది రాయాలనిపించింది.
ఇది మొత్తం నా సొంత అభిప్రాయం మాత్రమే.
Friday, July 3, 2020
ఎంత కోపం వచ్చినా మౌనమే...
గవర్నరు గారి సతీమణితో సంభాషించటానికి చెన్నైలోని రాజభవన్కు వెళ్లి, గవర్నర్ చాంబర్లోకి అడుగు పెట్టగానే, ఆయన ఎంతో ఆప్యాయంగా లోపలికి ఆహ్వానించారు. చెక్కుచెదరని చిరునవ్వుతో, మడత నలగని తెల్లటి పంచెతో, ఏదో దీర్ఘాలోచనలో ఉన్న భంగిమలో ఠీవిగా కూర్చున్నారు తమిళనాడు గవర్నర్ అయిన మన తెలుగు తేజం గౌరవనీయులు కొణిజేటి రోశయ్య.
వారి సతీమణితో ముచ్చటించటానికి వచ్చామని చెప్పగా ఆమెకు కబురు పంపారు. రెండే నిమిషాల్లో ఆవిడ రావడం ఆశ్చర్యం కలిగించింది. ఎంతో సామాన్యంగా, ఏ మాత్రం భేషజం లేకుండా, నిక్కచ్చితనంతో ఉన్న వదనంతో రోశయ్య గారి సతీమణి శ్రీమతి శివలక్ష్మి వచ్చారు. ఆమెను కొన్ని ప్రశ్నలు అడుగుతాననగానే మౌనంగానే అంగీకరించారు మితభాషి అయిన శివలక్ష్మి.
1. మీది చుట్టరికమా లేదా బయటి సంబంధమా..
జ. మాది దూరపు చుట్టరికం. ఆయన నాకు మామయ్య వరస అవుతారు.
2. మీ వైవాహిక జీవితం సుమారు 65 సంవత్సరాలు పూర్తి చేసుకుంది కదా! ఇన్ని సంవత్సరాలలో మీ జీవితం ఎలా ఉంది?
జ. పెళ్లయిన కొత్తల్లో మా అత్తగారు మాతోనే ఉండటం వల్ల అన్నీ ఆవిడతో సంప్రదించి చేస్తుండేదాన్ని. అందువల్ల నాకు పెద్దగా ఇబ్బంది అనేది ఏమీ తెలియలేదు. తరవాత పిల్లలు పెద్దవాళ్లయ్యారు. ఇక అన్నీ వాళ్లే చూసుకుంటున్నారు.
జ. మాది దూరపు చుట్టరికం. ఆయన నాకు మామయ్య వరస అవుతారు.
2. మీ వైవాహిక జీవితం సుమారు 65 సంవత్సరాలు పూర్తి చేసుకుంది కదా! ఇన్ని సంవత్సరాలలో మీ జీవితం ఎలా ఉంది?
జ. పెళ్లయిన కొత్తల్లో మా అత్తగారు మాతోనే ఉండటం వల్ల అన్నీ ఆవిడతో సంప్రదించి చేస్తుండేదాన్ని. అందువల్ల నాకు పెద్దగా ఇబ్బంది అనేది ఏమీ తెలియలేదు. తరవాత పిల్లలు పెద్దవాళ్లయ్యారు. ఇక అన్నీ వాళ్లే చూసుకుంటున్నారు.
3. ఆయన పెద్ద రాజకీయ సెలబ్రిటీ కదా! మరి ఇంట్లో ఆయన ఎలా ఉంటారు?
జ. ఆయన ఇంట్లో ఉన్నంతసేపు రాజకీయాలకు సంబంధమే ఉండదు. ఒక ఇంటి పెద్దగా సాధారణంగా ఉంటారు. బయట మాత్రమే రాజకీయాలు. అందువల్ల మాకు ఎప్పుడూ రాజకీయనాకుడి ఇంట్లో ఉంటున్నాం అనే భావనే కలగలేదు. గుమ్మం దాటి ఇంట్లోకి అడుగు పెడితే ఆయన ఇంటి మనిషి. గడప దాటి బయటకు అడుగుపెడితే ఆయన రాజకీయనాయకుడు. ఆ విధంగా ఆయన బ్యాలెన్స్ చేస్తున్నారు.
జ. ఆయన ఇంట్లో ఉన్నంతసేపు రాజకీయాలకు సంబంధమే ఉండదు. ఒక ఇంటి పెద్దగా సాధారణంగా ఉంటారు. బయట మాత్రమే రాజకీయాలు. అందువల్ల మాకు ఎప్పుడూ రాజకీయనాకుడి ఇంట్లో ఉంటున్నాం అనే భావనే కలగలేదు. గుమ్మం దాటి ఇంట్లోకి అడుగు పెడితే ఆయన ఇంటి మనిషి. గడప దాటి బయటకు అడుగుపెడితే ఆయన రాజకీయనాయకుడు. ఆ విధంగా ఆయన బ్యాలెన్స్ చేస్తున్నారు.
4. తమిళనాడు గవర్నరుగా చెన్నైకి వచ్చి ఐదు సంవత్సరాలు కాబోతోంది. ఇక్కడ ఉగాది ఎలా ఉంది? పండుగలు కోల్పోయామన్న బాధ ఎప్పుడైనా కలిగిందా?
జ. ఇంతవరకూ ఎన్నడూ ఉగాది పండుగ మిస్ కాలేదు. పండగనాటికి పిల్లలు రావడమో, మేము అక్కడు వెళ్తుండటమో ఏదో ఒకటి జరుగుతుంటుంది. ఇక్కడ చెన్నైలో కూడా తెలుగువారు ఉన్నారు కనుక, వారి మధ్య కూడా పండుగ ఆనందంగా జరుపుకుంటాం. ఇంతవరకూ పండుగలు కోల్పోయామన్న బాధ కలగలేదు.
జ. ఇంతవరకూ ఎన్నడూ ఉగాది పండుగ మిస్ కాలేదు. పండగనాటికి పిల్లలు రావడమో, మేము అక్కడు వెళ్తుండటమో ఏదో ఒకటి జరుగుతుంటుంది. ఇక్కడ చెన్నైలో కూడా తెలుగువారు ఉన్నారు కనుక, వారి మధ్య కూడా పండుగ ఆనందంగా జరుపుకుంటాం. ఇంతవరకూ పండుగలు కోల్పోయామన్న బాధ కలగలేదు.
5. ఆయనకు ఇష్టమైన వంటకాలు ఏంటి? మీరే స్వయంగా వండి పెడతారా?
జ. ఆయన పూర్తిగా శాకాహారి. నాలుగు ప్రదేశాలకూ తిరిగేవాళ్లు. అన్నిరకాల వంటకాలకూ అలవాటు పడతారు. అందువల్ల ఏ వంట ఎలా ఉన్నా ఏమీ మాట్లాడరు. అదీకాక, ఏదో ఒక ఊరగాయ పక్కన పెట్టుకుంటే సరిపోతుంది. ఏ వంటకం ఎలా ఉన్నా అన్నీ ఆ నంజులో కలిసిపోతాయి.
జ. ఆయన పూర్తిగా శాకాహారి. నాలుగు ప్రదేశాలకూ తిరిగేవాళ్లు. అన్నిరకాల వంటకాలకూ అలవాటు పడతారు. అందువల్ల ఏ వంట ఎలా ఉన్నా ఏమీ మాట్లాడరు. అదీకాక, ఏదో ఒక ఊరగాయ పక్కన పెట్టుకుంటే సరిపోతుంది. ఏ వంటకం ఎలా ఉన్నా అన్నీ ఆ నంజులో కలిసిపోతాయి.
6. మీ వంట ఎప్పుడైనా నచ్చలేదంటే మీకు ఎలా అనిపిస్తుంది. అలాగే మెచ్చుకుంటే ఎలా అనిపిస్తుంది.
జ. భోజనం ఎలా పెట్టినా తినేస్తారు. కనుక మెచ్చుకోవడాలు, నొచ్చుకోవడాలనే ప్రసక్తే లేదు.
7. దూర ప్రాంతాలకు వెళ్లి వచ్చేటప్పుడు మీ కోసం ప్రత్యేకంగా ఏమైనా కొని తీసుకువచ్చేవారా?
జ. (రోశయ్యగారు) పెళ్లయిన కొత్తలో అంటే 1960 - 70 ప్రాంతంలో పిల్లల చంటప్పుడు ఎప్పుడైనా వాళ్లకు బొమ్మలు తెచ్చేవాడిని. ఇక బట్టల విషయంలో... మా అమ్మగారు ఉన్నంతకాలం ఆవిడే కొనేవారు. ఆవిడ గతించాక మా పిల్లలు పెద్దవాళ్లు కావడంతో వాళ్లే చూసుకుంటున్నారు.
శివలక్ష్మి: ముఖ్యంగా మా కోడల్లే నా బట్టల విషయం చూసుకుంటున్నారు. నాకు వెళ్లి తెచ్చుకోవలసిన అవసరం ఇంతవరకూ కలగలేదు. ఇక నగల విషయం అంటారా, మా నాన్నగారే చూసుకున్నారు.
8.రోశయ్యగారికి కోపం ఎక్కువ అంటారు. ఆ కోపాన్ని ఎప్పుడైనా రుచి చూశారా?
జ. ఆయనకు ఎంత కోపం వచ్చినా మౌనంగా ఉంటారు. ఎంత పలకరించినా పలకరు. ఏ ప్రశ్నకూ సమాధానం చెప్పరు. అంతకుమించి ఆయన కోపాన్ని వేరేలా ఎన్నడూ ప్రదర్శించలేదు.జ. భోజనం ఎలా పెట్టినా తినేస్తారు. కనుక మెచ్చుకోవడాలు, నొచ్చుకోవడాలనే ప్రసక్తే లేదు.
7. దూర ప్రాంతాలకు వెళ్లి వచ్చేటప్పుడు మీ కోసం ప్రత్యేకంగా ఏమైనా కొని తీసుకువచ్చేవారా?
జ. (రోశయ్యగారు) పెళ్లయిన కొత్తలో అంటే 1960 - 70 ప్రాంతంలో పిల్లల చంటప్పుడు ఎప్పుడైనా వాళ్లకు బొమ్మలు తెచ్చేవాడిని. ఇక బట్టల విషయంలో... మా అమ్మగారు ఉన్నంతకాలం ఆవిడే కొనేవారు. ఆవిడ గతించాక మా పిల్లలు పెద్దవాళ్లు కావడంతో వాళ్లే చూసుకుంటున్నారు.
శివలక్ష్మి: ముఖ్యంగా మా కోడల్లే నా బట్టల విషయం చూసుకుంటున్నారు. నాకు వెళ్లి తెచ్చుకోవలసిన అవసరం ఇంతవరకూ కలగలేదు. ఇక నగల విషయం అంటారా, మా నాన్నగారే చూసుకున్నారు.
8.రోశయ్యగారికి కోపం ఎక్కువ అంటారు. ఆ కోపాన్ని ఎప్పుడైనా రుచి చూశారా?
9. రాజకీయాల్లో ఆయన మీద నిందలు వేసినప్పుడు మీకు ఎలా అనిపిస్తుంది?
జ. వాళ్ల మాటకు ఆయన కూడా పొడిచినట్లే సమాధానమిస్తారు. ఇంక మనం ఆ విషయం గురించి ఆలోచించడం ఎందుకు. ఆయనకు ఏ ఇబ్బందీ రాదనే నమ్మకం నాకుంది. అవసరమైతే గట్టిగా మాట్లాడకుండా పోవడమే. ఆ నేర్పరితనం ఆయనకు ఉన్నందున వేరే అనుకోవడం ఎందుకు?
10.ఇన్ని సంవత్సరాలు రాజకీయాల్లో ఉండటం వల్ల మీరు వ్యక్తిగతంగా ఏమైనా కోల్పోయారనిపిస్తుందా?
జ. ఇన్ని సంవత్సరాలు రాజకీయాల్లో ఉన్నారనే భావనే కలగదు నాకు. ఆయన ఇంట్లో అడుగు పెట్టేసరికి అన్నీ మర్చిపోయేదాన్ని. ఆయన ఒక బాధ్యత తీసుకున్నాక సరిగా నిర్వహిస్తున్నారా లేదా అనే అనుకుంటాను.
11. ముఖ్యమంత్రిగా, మంత్రిగా... ఆయన ప్రవర్తనలో ఏదైనా తేడా కనిపించిందా మీకు?
జ. ఎప్పుడూ నాకు ఏ తేడాలూ అనిపించలేదు. నిరంతరం ఆయనతో కలిసి ఉంటాను కనుక నాకు ఆయన ఎప్పుడూ ఒకేలా అనిపిస్తారు.
12. గవర్నర్గా...
జ. గవర్నర్గా కంటె ఆర్థికమంత్రిగా ఉన్నప్పుడైతే ఎంతో పని, ఎన్నో లెక్కలు వేయాలి. అప్పుడే ఆయన చేతి నిండా పని ఉన్నట్లు అనిపిస్తుంది నాకు.
13. ఆయన రాష్ట్ర బడ్జెట్ 17 సార్లు వేసి రికార్డు సృష్టించారు. మీరు ఇంటి బడ్జెట్ ఎలా ప్లాన్ చేస్తారు?
జ. నేను ప్రత్యేకంగా బడ్జెట్ అంటూ ఏమీ వేయను. ఇంట్లో మనుషుల్ని బట్టి అర్థమైపోతుంది. అందువల్ల బడ్జెట్ వేయాల్సిన అవసరం లేదు.
14. పిల్లల చదువు విషయం..
జ. మేం తెనాలి ఉన్నప్పుడే పెద్దబ్బాయిది, పెద్దమ్మాయిది చదువులు అయిపోయాయి. ఇంక రెండవ అబ్బాయి టైమ్కి ఆలోచించక్కర్లేకుండా అయిపోయింది. అలా మా పిల్లల చదువుల గురించి నేనేమీ పట్టించుకోవక్కర్లేకుండా అయిపోయింది.
సొంత ఊరిలో..
సొంత ఊరిలో ఇల్లు ఉండాలన్నది నా ఆకాంక్ష. వీలు దొరికినప్పుడు అక్కడికి వెళ్లి వస్తుంటే తృప్తిగా ఉంటుంది. నేను ఏ పదవిలో ఉన్నా, ఏ బాధ్యతలో ఉన్నా, అప్పుడప్పుడూ ఊరు వెళ్లి అక్కడ ఉండి వస్తుంటాను.
- కొణిజేటి శివలక్ష్మి
------------------------------
2015 మార్చిలో, అప్పుడు తమిళనాడు గవర్నరుగా ఉన్న సందర్భంలో రోశయ్యగారితో సాక్షి తరఫున ఒక ఇంటర్వ్యూ తీసుకున్నాను.
ఈ రోజు ఆయన జన్మదినం సందర్భంగా రోశయ్య గారి సతీమణి ఆ రోజున సంభాషించిన వివరాలు ఇప్పుడు ఇలా అందరికీ షేర్ చేస్తున్నాను.
- వైజయంతి పురాణపండ
----------------------------
Subscribe to:
Posts (Atom)